ഒരുമിച്ചൊരു യാത്ര
തുന്നിച്ച പുത്തനുടുപ്പുകള് ചാലവേ തെറ്റെന്നുടുപ്പിച്ചു നിര്ത്തിയ കുഞ്ഞുങ്ങള് രാത്രിയായപ്പോളിതെങ്ങോട്ട് പോകുന്നു? പത്തുവയസ്സുകാരിക്കൊരു സംശയം ചോദ്യങ്ങളിന്നില്ല, പോകുന്നു നാമിന്നു രാത്രിയില് തന്നെ, പിണങ്ങണ്ട മക്കളേ നേരം വെളുക്കുന്നതിന് മുന്പ് തന്നൊരു- ടാക്സി വരുമതില് ദൂരേയ്ക്ക് പോകണം വേഗം കഴിക്കുക ചോറും കറികളും പിന്നീട് കിട്ടുമിന്നെല്ലാര്ക്കുമോരോരോ, നല്ല രുചിയാര്ന്ന വാനിലയൈയ്സ്ക്രീമും അമ്മൂമ്മയെക്കാണാനാണെന്നു നിശ്ചയം ചൊല്ലിയിളയവള്, സന്തോഷമോടവേ കുട്ടനെക്കൊണ്ടുപോകണ്ടവന് ദുഷ്ടനാ- നാണെന്നെ പിച്ചു,മടിക്കുമഹങ്കാരി അമ്മൂമ്മയോട് പറയുമതെല്ലാം ഞാന് നോക്കിക്കോ നീ മോനേ കുട്ടാ ചേട്ടനിതെന്താണൊരുങ്ങാത്തതിന്ന്, നാം നേരത്തെ ചൊല്ലിയതെല്ലാം മറന്നുവോ? ഇന്നെങ്കിലുമൊന്നു നിര്ത്തുമോ നിങ്ങടെ- യൊട്ടും സഹിക്കാത്ത നാശപ്പുകവലി? എന്തെങ്കിലുമൊന്നു തീരുമാനിക്കുക പിള്ളേര്ക്കുറക്കം വരുന്നുണ്ട്, നോക്കിക്കേ എല്ലാര്ക്കും കൂടെയൊരൊറ്റയെഴുത്തി- ലൊതുക്കണമല്ലെങ്കിലെന്തിത്ര ചിന്തിയ്ക്കാന്? നാണിയമ്മയ്ക്ക് കൊടുക്കുവാനുള്ളത് മാത്രമാ പാത്രത്തില് വയ്ക്കണം പ്രത്യേകം അയ്യോ, മറന്നതിരാവിലെയെത്തുന്ന ചക്കിക്കവളുടെ ചട്ടിയില...
