വിരഹം

അകലെയാണെന്നാലുമൊരുനോക്ക് നിന്നെയീ
കിളിജാലക*ത്തിന്നകത്ത് കാണാന്‍
കൊതിയാണ് വേഗമാ പരിദേവനത്തിന്‍റെ
മധുരമാമുടയാത്ത കെട്ടഴിക്കൂ

ഏതോ കിനാക്കള്‍ നിറയുന്ന നിദ്രയില്‍
ഏതോ വിഷാദത്തിന്‍ വേളകളില്‍
നീ മാത്രമെന്നിലെ എന്നെയറിയുന്നു
പൊന്നിളം തെന്നലായെത്തിടുന്നു

വെറുതെയിരുന്നു ഞാനെവിടേയ്ക്കോ പോകുന്ന
ശലഭങ്ങളെ നോക്കിയാസ്വദിക്കാം
പ്രണയ നിലാവൊളി തൂകുന്ന നിന്നുടെ
വിരഹാര്‍ദ്ര വേദന പങ്കു വെക്കാം

എന്തിനോ വേണ്ടി തിരയുന്ന നിന്നിലെ
കണ്മഷിപ്പൂവില്‍ ഞാനുമ്മ നല്‍കാം
ഏറെ നാളായിട്ടുമെന്തേ വരാത്തു‌ നീ
എന്നാണ് കാണുക വീണ്ടുമിനി?
------
*കിളിജാലകം - കമ്പ്യൂട്ടര്‍

----

ആശയ ദാരിദ്ര്യവും സമയപരിമിതികളും കാരണം രണ്ടു വര്‍ഷം മുന്‍പ് മഴത്തുള്ളിക്കിലുക്കത്തില്‍ ഇട്ട ഒരു കവിത (?) ഇവിടെ പകര്‍ത്തി എഴുതുന്നു.....

Comments

  1. ശ്രീ14 February 2010 at 04:33

    കുറേ നാളുകള്‍ക്ക് ശേഷമാണല്ലോ മാഷേ വരവ്...

    ReplyDelete
  2. സിനോജ്‌ ചന്ദ്രന്‍14 February 2010 at 07:37

    പ്രണയദിനാശംസകള്‍ .

    ReplyDelete
  3. ജിനു സേവ്യർ16 February 2010 at 05:31

    വിരഹം തന്നയല്ലേ നല്ല വികാരം!വിരഹത്തിനു ശേഷമുള്ള കണ്ടുമുട്ടലിലാണു സുഖ്ം!

    ReplyDelete
  4. ശ്രീവല്ലഭന്‍.28 February 2010 at 00:20

    Sree: ബ്ലോഗ്‌ എഴുത്ത് ബോര്‍ അടിച്ച് തുടങ്ങി :-(
    എല്ലാവര്‍ക്കും നന്ദി

    ReplyDelete
  5. ഹരിത്4 March 2010 at 18:59

    രണ്ട് വര്‍ഷമായി ഇതു തുടങ്ങിയിട്ട് അല്ലേ? അതോ നിറുത്തിയിട്ടോ?

    എന്തായാലും മറക്കാനാവുന്നില്ലെന്നു മനസ്സിലായി.

    ഇനി വിപ്രലംഭ ശൃഗാരമായിക്കൊട്ടെ!!!

    കൊള്ളാം.
    :)

    ReplyDelete
  6. Kalavallabhan8 April 2010 at 09:58

    ഏറെ നാളായിട്ടുമെന്തേ വരാത്തു‌ നീ
    എന്നാണ് കാണുക വീണ്ടുമിനി?

    ReplyDelete
  7. വിരോധാഭാസന്‍6 August 2010 at 13:13

    ആശംസകള്‍..ഹ്ഹ്..അല്ലാതെന്ത് പറയാന്‍..!!

    വിരഹത്തീയില്‍ ..തന്നേ..!!

    ReplyDelete
  8. Muralee Mukundan , ബിലാത്തിപട്ടണം 3 February 2011 at 13:25

    ഏതോ കിനാക്കള്‍ നിറയുന്ന നിദ്രയില്‍
    ഏതോ വിഷാദത്തിന്‍ വേളകളില്‍
    നീ മാത്രമെന്നിലെ എന്നെയറിയുന്നു
    പൊന്നിളം തെന്നലായെത്തിടുന്നു...

    ഉഗ്രൻ വരികൾ കേട്ടൊ ഭായ്

    ReplyDelete

Post a Comment

പലവട്ടം പോസ്റ്റ് ചെയ്തു ഞാന്‍
ബ്ലോഗറിന്‍ ഔദാര്യത്താല്‍
ഒരു വാക്കും മിണ്ടാതെ നീ
പോയില്ലേ........:-)

Popular posts from this blog

മഴയിൽ കുരുത്തത്....

ഇടവപ്പാതിയിൽ ഇടതു വശം ചരിഞ്ഞ്  ബെഞ്ചിൽ കിടന്നുറങ്ങുമ്പോൾ  വലതു ചെവിയിലാണ് വെള്ളം വീഴുക  പെട്ടന്ന് ഞെട്ടിയുണരുമ്പോൾ  വായിലും വെള്ളം കയറിയിരിക്കും തുണിയും വാരിയെടുത്ത് ബെഞ്ച് വലിച്ചൊരു സൈഡിലിട്ട്  ദേഷ്യത്തിൽ ഒതുങ്ങി നോക്കും  പിന്നെ ഒന്ന്, രണ്ട് എന്നിങ്ങനെ എണ്ണി  ഒന്നിച്ചു കൂട്ടിപ്പിടിച്ച് ഒരു വലിയാണ് ചിലപ്പോൾ തത്ക്കാലത്തെയ്ക്ക് നിൽക്കും  എട്ടൊൻപതുമാസം തിരിഞ്ഞു നോക്കിയില്ലെന്ന പരാതിയിൽ  ഓലക്കീറുകൾ പണിമുടക്കുമ്പോൾ  നന്ദി പറയേണ്ടത് "പാള" കളെയാണ്  വേനൽക്കാലം കാറ്റു തന്നു കഴിയുമ്പോൾ  വിശറികൾക്ക്  മോക്ഷം കിട്ടുന്നത്  ഇടവപ്പാതിയിലെ മഴയിലലിയുമ്പോഴാണ്  (വഴുവഴുത്ത പാളകൾക്ക് ഒരുതരം പുളി രുചിയാണ്) എന്താ മോനെ ഉറങ്ങിയില്ലേന്നു ചോദിച്ചപ്പോൾ ചങ്കു പൊട്ടിക്കാണുമോന്ന്‌ ചോദിക്കാൻ ഇന്നവിടെ ആരുമില്ല  (ഇരുട്ടത്ത് ചങ്കുപൊട്ടുന്നത്  മിന്നൽ വെളിച്ചത്തിൽ കാണാമെന്നു വിചാരിച്ചാലും ഇടിയുടെ ശബ്ദത്തിൽ തേങ്ങലുകൾ നേർത്തലിഞ്ഞു പോയിരിക്കണം)
Read more

ഊരു വിലക്കപ്പെട്ടവന്‍റെ ആത്മരോഷം

ഇതു പാടിയതിന്‍റെ ലിങ്ക് ഇവിടെ ......................... എവിടെ തുടങ്ങണം? അറിയില്ല, വേദന- യറിയാന്‍ മറക്കുന്ന ദുഷ്ട ജന്മങ്ങളേ എന്തിനു തേങ്ങണം? നിങ്ങളും, നിങ്ങടെ പണ്‍ടേ കുഴിച്ചു മുടേണ്‍ട ശാസ്ത്രങ്ങളും ഉറയുന്ന ചോരയിതിലുയരുന്ന തേങ്ങലുക- ളൂറ്റിക്കുടിക്കുവാന്‍ നീളുന്ന ദംഷ്ട്രങ്ങള്‍ തോരാത്ത മഴയിലും തീരാത്ത കണ്ണുനീര്‍, കാലം കടം തന്ന ശോക നിശ്വാസങ്ങള്‍ ആവുമോ നിങ്ങള്‍ക്ക് വീണ്ടുമാ ചോരതന്‍ പാപ ഭാരങ്ങള്‍ കഴുകി കളയുവാന്‍? ആവില്ല നിങ്ങള്‍ക്ക് വീറുള്ള ഞങ്ങടെ വേറിട്ട സ്വപ്നങ്ങള്‍ പാടേ തകര്‍ക്കുവാന്‍ എരിയുന്ന തീയിലേയ്ക്കെണ്ണ പോല്‍ ഞാനെന്‍റെ പിടയുന്ന നെഞ്ചകം കാണിച്ചു ചോദിക്കാം മണ്ണിന്നു കെട്ടാം മതിലുകള്‍ നിങ്ങള്‍ക്ക്, ഞങ്ങടെ മനസ്സിന്നു ചുറ്റിനും മതിലു കെട്ടാമോ? സിംഹാസനത്തിനാല്‍ ചന്തി തേയുമ്പൊഴും സേവകര്‍ വല്ലാതെ സുഖമേകുമ്പോഴും അധികാര മത്തിനാല്‍ വിധി പറയുമ്പോഴും ഓര്‍ക്കുക, സംവത്സരം നൂറ് പിന്നോട്ട് കൊണ്ടുപോം നിങ്ങടെ നാറിയ, ജാതി ചിന്ത തന്‍ താരാട്ട് പാട്ടിനാല്‍! എന്നും പ്രഭ തൂകാന്‍ വെമ്പുന്ന സൂര്യന് ഇന്നും കിഴക്കുദിക്കാനേ കഴിയുള്ളൂ കാലം മാറിയതറിയാത്ത ദേവന്നു, കാതലായെന്തോ കുഴപ്പമുണ്‍ടെന്നു തോന്നുന്നുവോ?
Read more